Ang kadaghanan nasayod na niini kon unsa kalamian ug kamasustansya ang pagkaon og mga prutas sama sa avocado. Apan ang wala kaayo mahibaloi, nga sagad buhaton nga ini’g kaon sa avocado, ang liso niini usik kaayo nga ilabay lang.
Aniay mga katarungan ngano nga ang liso sa avocado, angay sab nga iapil sa pagkaon tungod kay kini naghatag og daghang benepisyo sa panglawas, sama sa mga mosunod;
* Soluble fibers —Kinadasokan nga tinubdan kini nga anaa sa liso sa avocado, nga usa sa importanteng elemento, alang sa pag-abag sa himsog nga sistema sa pagtunaw (healthy digestive system). Palaputon (make gel) inigtunaw sa kinaon nga aron di mogahi ug paus-os sa lebel sa asukar sa dugo ug sa kolesterol.
* Antioxidants — Mga sustansya kini nga mopalig-on sa sistema sa imyun, nga maoy moalkontra sa mga makadaut sa lawas sama sa free radikals. Nga kinahanglan mabalanse kini diha sa imyun, aron dili dominahon ang mga estraktura sa maayong selyula (good cells).
Ang liso sa avocado nagbaton og 70% nga antioxidants ug polyphenols, sama sa anaa sa green tea.
* Pahinay sa edad — Mahimo nga motaas ang atong edad nga dili kapugngan, apan ang lawas, magpabilin ang kabatan-on, gumikan sa kaabunda sa mga sustansya sama sa mga antioxidants nga naa sa liso sa avocado. Mosanta sa pagpangunot nga hamison ug pahimsogon ang atong panit.
* Kanser — Moaway batok sa kanser, ang mga elemento niini nga anaa nabatonan sa liso sa avocado, sama sa gamhanang ingrediyentes nga ‘flavonols’, nga mopakgang sa pagtubo sa selyula nga kanser o tumor. Tandogonon kita sa mga kanser, nga naghulat lang nga mahimong makamatay nga sakit (malignant).