Alang sa imong next

Oktubre 7, 2018: Ikakawhaa’g-pito nga

Domingo sulod sa tuig

MGA PAGBASA: Gen. 2;18-24/Sal. 128/Heb. 2;9-11/Mk. 10;2-16

Ang mentalidad sa kadaghanan nahimong disposable ang tanan ug gani bisan ang relasyon giisip namang disposable. Mao nga daghan sa mga tawo ang dili buot og permanence. Buot nila ang dinaliang paglingkawas kon ugaling dili na mo-work ang bisan unsang relasyon. Apan dinhi sa ebanghelyo kita gipahinumdoman nga dili mahimong ma-dispose ang gihiusa. Kini tungod kay sa sinugdanan pa lang daan nahimong giusa sila ug dili mahimong buwagon ang gitudlo nga mahimong usa diha sa kaminyoon. Gawas sa espirituhanong panglantaw angay natong hunahunaon nga diha sa paghigugma andam unta kitang mohangop sa atong gihigugma taliwala sa iyang kakuwangan ug kahuyangan. Dili disposable ang tawo ug labaw na nga di maayo nga isipon nato ang bili sa matag usa nga masukod pinasikad sa gamit ug kon unsa iyang mahimo. Paningkamot nga ang imong gikauban karon dili mahimong ex ug  siya mao pud unta ang imong future.