Kasagaran natong mga senior citizen, sa bisan unsang hinungdan, all of a sudden na-relihiyoso kita. Daghan ko’g mga amigo ug mga kaila nga tagsa ra nako igkita sa simbahan, ang uban wa gyuy (tingali) simba-simba.
Karon, daghan na kaayong mga senior citizen ang atong makit-an sa simbahan.
Lagmit, ang uban kanila, sa mga batan-on pa, sa lig-on pa ang kalawasan, kompleto sa bisyo, apan karon, medyo back to God na.
Wala kitay tuyo pagpakanaug og judgement ngadto kanila, kay kinsa man tang mohukom kanila?
Niingon ra ba ang Ginoo nga ayaw paghukom, aron dili ka usab hukman.
It’s between them and their God.
So, atong igahin kining atong lindog karon to something religious. Bag-o lang tang nagsaulog sa birthday ni Blessed Virgin Mary.
Ug ang nabutang sa limelight mao ang Birhen sa Fatima.
Sayud man ta nga ang Fatima sa Portugal, giingon dinhi nga “it is the site of the most famous of the Virgin Mary’s apparitions uban sa tulo ka bata, diin, among others nasaksihan ang solar miracle.
Apan, ang wa kaayo masayri sa kadaghanan mao ang panagna sa Mahal nga Birhen sa tulo ka dakung hitabo: “end of World War I; World War II (an even worse war); the rise of communism and future wars it would bring; and the fall of communism.
Kining maong mga hitabo, gibutyag sa Mahal nga Birhen ngadto sa tulo ka batang shepherds niadtong July 12, 1917 nga apparition.
Gitag-an sa Mahal nga Birhen nga matapus da ang unang gubat sa kalibutan, matud niya: “the war is going to end. But if they do not stop offending God, another and worse one will begin during the reign of Pope Pius XI.”
So, nahitabo ang World War II nga mas worse kay sa World War I. Kini tungod kay sa pasidaan sa Mahal nga Birhen, “God is going to punish the world for its many crimes by means of war, hunger and of persecution of the Church and the Holy Father.”
Ang Obispo sa Fatima, nagduhaduha pag-approve sa apparition tungod sa “terrible warnings” nga gibutyag sa Mahal nga Birhen.
“It is hard to believe that a second World War was coming, after the horror of the war to end all wars,” nagkanayon ang Obispo sa Fatima.
Ang prophesy sa Mahal nga Birhen kutob ra man sa 2nd World War. Aduna bay 3rd World War?
Simbako! Kining tanan mag-agad if we continue offending God.