Dear Atty. Divine,
Ang akong anak napaakan sa iro sa among silingan. Tungod niini akong gidala sa health center ang bata alang sa anti-rabbies vaccine apan nahutdan man ang center so napugos ko sa pag-adto sa private clinic aron mabakunahan og anti- rabbies ang akong anak. Karon akong gipaninglan ang akong silingan sa akong nagasto apan nagdumili siya sa pag-refund. Unsay angay nako nga buhaton? Mamahimo ba nga ako siyang pasakaan og kasong kriminal? Daghang salamat. — Lorna
Dear Lorna,
Basi sa Anti- Rabbies Act of 2007 ang tag-iya sa iro obligado gyud nga mobayad sa medical expenses sa imong anak nga napaakan sa iyang iro. Isip usa ka responsable nga pet owner kinahanglan gyud unta nga bantayan niya ang iro aron di kini makapaak. Kon magdumili gyud ang pet owner sa pag-refund sa imong nagasto sa pagpabakuna then mamahimo nimo siyang ireklamo sa barangay, kon magdumili gihapon siya sa pagbayad mamahimo nga pasakaan nimo siya og kasong civil for damages but not criminal case kay ang criminal case usa kana ka personal liability sa tawo nga nakahimo og krimen. Sa imo nga kaso, ang iro may nakasala dili man ang tag-iya, so, ang tulubagon sa tag-iya kutob lang sa damages. Thanks and God bless. — Atty. Divine
Alang sa inyong pangutana, ipadala lang sa Legar Corner sa Banat News sa V. Gullas St., Cebu City or email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado ug Domingo.