Kinakusgan nga mobomba og oxygen

Mas maayo nga mamutang og mga mesitas sa nataran ug sa sulod sa panimalay, dili lang nga pangdekorasyon, kon dili, labaw sa tanan aron sa paglimpyo sa mga delikadong toksins ug agup op nga gikan sa hangin.

Mga  sayantista sa National Aeronautics & Space Administration (NASA), nakadiskubre og mga tanom nga ‘indoor plants’, nga epektibo niyang salaon ug limpyohan ang kahugaw sa hangin. Ania ang mga tanom nga maisip nga kinakusgan nga mobomba’g ‘oxygen.’

Ivy – lahi kini sa ‘poison ivy’ nga makahilo sa mga binuhing mananap, o sa mga bata.

Ang ‘ivy’, 60% kadali ra nga wagtangon niini ang kemikal toksins sa hangin ug 58% nga salaon niya ang hugaw’ng abog, o agup-op (mold), sulod lang sa unom ka oras, human kini idespli sa mga lawak, o sa hawanan ug palibot sa balay.

Snake plant ug Spider plant – managsama ra’g hiyas nga diyotay ra nga kahayag ang gikinahanglan aron pagtakli nga mahimong enerhiya nga kemikal (photosynthesis) nga makabugwak og ‘oxygen.’ Kusog ni mobomba’g oxygen panahon sa gabii, busa maayo kini nga ibutang sa sulod sa lawak- katulganan.

Aloevera – aduna kini kapasidad nga labing kusgan ug daghang oxygen nga ikabuga, sama sa laing siyam ka tanom nga kusgan sab mobomba’g oxygen.

Ficus – gamay ra ang hiniwa sa cake, ikompara sa kadako sa mahimo niining tanoma, nga lab-ason niya ang hangin nga atong gihanggap.

Peace lily – mopawagtang sa mga toksik-kemikal sama’s ‘formaldehyde’ ug ‘trichlorotylene’ ug uban pa sa 84 mil nga toksins nga anaa karon sa kahanginan.

 Girekomendar sa NASA nga magbutang og 15-19 ka kaang sa mesitas sulod sa luna nga 500 sq.m. Sa ato pa, kon ang luna may 80 sq.m. ang ibutang mga 3-4 ka kaang.

Apan ayaw kalimot sa pagbutang og usa ka mesitas sa imong lawak nga katulganan.