Dear Atty. Divine,
Ang akong igsuon namatay last month. Minyo to siya, apan wa sila’y anak sa iyang bana.
Dunay mga property nga napalit ang akong igsuon kay nakatrabaho man siya sa gawas sulod sa napulo ka tuig.
Ang akong pangutana kon may katungod ba si mama ug papa nga mangayo og share sa kabtangan nga gibilin sa akong igsuon, considering nga wa man siya’y anak? Daghang salamat.- Nikki
* * *
Dear Nikki,
Yes, tungod kay ang imong igsuon namatay nga wa’y anak, then ang imong mga ginikanan makonsiderar nga mga compulsory heirs niya ug aduna sila’y katungod nga mo-inherit sa iyang property, uban sa bana sa imong igsuon base sa Art. 887 (2) sa atong Civil Code.
Mahimong makuha sa imong parents ang ilang share pinaagi sa Extrajudicial Partition kon magkasinabot sila sa bana sa namatay. Mas paspas og mas dali kini nga paagi.
Apan kon dili sila magkasinabot, then bahinon nila kini pinaagi sa korte or Judicial partition.
Hinuon, mas dugay ug taas ang proseso kon ipaagi sa court. Thanks and God bless.- Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.
Himsog Nga Kasayura
Ni Pons Abatayo
Mga pagkaong alkalina (2)
Cucumber (pepino) – aduna kini 95% nga tubig, nga makahatag sa lawas og igong tubig alkalina (alkaline water).
Nagbaton kini og mga vitamin A, C ug ingon man sa pipila ka bitamina B.
Ang pepino, o cucumber, maoy halos tinubdan sa ‘alkaline juice’ ug maayong idugang sa salad ug sandwiches.
Avocado – ang lamiang unod sa avocado, dili maoy igo lang sa pagdayeg niini, kay usa kini sa mga prutas lang, nga nagbaton og protina, ug aduna sab ni dasok sa mga vitamin C, K,, B5 ug B6.
Celery – sama sa pepino, o cucumber, nagbaton kini og daghang tubig ug usa gihapon ka ‘alkalizer’, nga mopakubos sa asidik nga lawas, ug usa sab kini sa maayong tinubdan sa ‘alkaline juice’.
Capsicum (atsara) – Lamian kining kilawon, o lutoon, nga ginganlan og ‘sweet pepper ug kini sab ang gikonsiderar nga labing masustansya nga utanon sa palibot nga dasok sa vitamin C ug A, E ug pipila ka bitamina B.
Brocolli – laing dasok sa mga nutrens, ug nagbaton sab og igong gidaghanon sa protina. Aduna kini vitamin A, C, K, nga kon dili pa kini igo, may pakapin pa nga ginagmay pa nga manganese, potassium, vitamin E ug mga B.
Almonds – sagad sa klase sa mga mani (nuts) makapahimsog, apan ang ‘almonds nut’, nagbaton pa gyud og calcium ug iron.
Ang almond, aduna sab kini igo nga gidaghanon sa protina, busa mabusog ka na sa usa ka hakop lang nga pagkonsumo niini.
Mahimo sab kini nga ihulip sa naandan mo nga gatas ang ‘almonds milk,’ nga maoy nakahatag og dakong bentaha niini sa nutrisyon.