Talagsaon si Carpio

Dalaygon kining plano ni Senior Associate Justice Antonio Carpio nga iyang balibaran kon i-nominate siya pagka-chief justice sa Supreme Court. Siya karon ang most senior sa 14 ka justices ug acting chief justice. Sa ato pa, most qualified unta siya kon seniority ang basehan.

Talagsaon kini tungod kay kadaghanan nato mangambisyon man gyud nga makahupot og taas nga katungdanan sa gobiyerno. Normal kini sapagkat tayo ay tao lamang. Apan lahi si Justice Carpio.

Matud pa, he is just being consistent. Niya pa: “I have to be consistent with my position that the quo warranto is not the proper way to remove a sitting member of the court.”

So, delicadeza o prinsipyo, or whatever, talagsaon kining gihimo ni Carpio. Lahi sa uban nga i-move ang langit ug yuta, mosangpit sa tanang kadagkoan sa gobiyerno, lakip na sa tanang mga santos aron lang gyud matudlo, o ma-promoted gikan sa gihuptan nga katungdanan.

Ug lagmit dili sab tingali ni siya itudlo sa presidente tungod kay duna silay mga baruganan, o policies nga nagkasumpaki ang duha, sama pananglitan sa policy sa territorial dispute sa South China Sea.

Matud ni Carpio, atong kutloon: “What is more important for the nation is that we preserve our sovereignty and sovereign rights, That’s far more important than any position.

“That’s far more important than the presidency. The President can come and go, but our sovereignty stays with us.”

So, maghuwat na lang ta unsay ihukom sa history kanato mahitungod niining maong kontrobersiya.

* * *

Mahitungod sa kaso nga gipasaka batok ni Noynoy, si Senador Panfilo Lacson, sa dili pagpanalipod ni Noynoy, namahayag: “What is clear, though, is that former President Aquino did not pocket any DAP money, hence the case filed is for usurpation of legislative powers and not violation of the Anti-Graft and Corrupt Practices Act.”

So, arang-arang na lang ni, kay at least, kon mamatud-an, wala siya maka-personally gain from the program. Wa siya makabulsa sa kwarta sa DAP. Hinoon, matud ni Lacson, ang culpability ni Noynoy mag-agad sa gibug-aton sa mga ebidensiya nga nahipos sa Ombudsman. Ug kon makit-an nga sad-an, unsa man unya’y silot pag-usurp sa gahum sa Kongreso? Bilanggo gyud? O reprimand lang?

Nganong ila man sab to nga gi-imbento ang DAP uy? Perhaps, maayo ang ilang intentions, kaylagi, daghan man nga mga dagkong proyekto ang ilang napatuman. Apan, nanglangtod man, ila man nga gi-usurp ang gahum sa lehislatura.