Ang resipe nga mopa-bata sa atay (2)

Kon masakiton na kita og atay, ang lawas dili na sab makasustener nga mamintin ang lawas sa kahimsog kay wala kini katakos sama sa mahimo sa atay.

Maamong nga maapektohan ang tanang sistima sa lawas, nga magkasakit nga  momugna og nagkalain-laing mga balatian.

Dili lalim kon ang atay na ang mapuwerhisyo, kinahanglan gayud nga iprayoridad kanunay ang makaayo sa kondisyon sa atay, atong amumahon sa pagmahal, panggaon kini nga dili patuyangan sa makadaut.

Busa, sulaye dayon kini nga tinuyong resipe alang sa atay, nga mahibalik sa kabatan-on nga himsog.

Mga sagol — 2 ka buok nga lemon, 1 ka pepino, 2 ka hakop sa parsely ug 200 ka ml nga tubig.

Preparasyon — Isagol  ang tanan sa blender dayon paandaron kini ug imnon.

Kinahanglan, mokonsumo ka ini sulod sa  duha ka bulan kaduha kada adlaw.

Unya human niini, mopahulay una og  duha ka semana. Balika ang pag-alibyo  hangtud sa imong pamati, anaa na sa maayong kondisyon ang imong atay.

Gawas ining sesyon sa pagpahiuli sa maayong kondisyon sa atay, mahimo sab kining malimpyohan gikan sa mga toksik, pinaagi sa pag-inom  og linaga sa lemon (lemon tea), pikason lang ayaw paniti.  Maayong imnon kini sa gabii.

Kini sa pagsiguro, kanunay limpyo ug himsog ang atay  sa pagsagubang sa mga kaakohan ini sa lawas nga nagsalig sa kaepektibo sa serbisyo sa atong atay.