I’m referring to the plan pag-develop unta sa 8-hectare nga Kawit property into an integrated resort nga mokantidad og 18-bilyones ka pesos. Gianugonan ko tungod kay lagmit dili kini mahinayon.
Sa atong makita nga perspective niini, nindot kaayo. Giingon nga ini’g sugod unta sa trabaho maka-employ unta kini og mga singko mil ka trabahante. Unya, maka-generate unta og dakung income sa dakbayan, tapos sa daghang katuigan nga nagpabiling way gamit ang maong property.
Anugon, ug ang gikahadlokan nga tingali’g na-discouraged ang proponent niini, ug mo-back out ang Universal Hotels and Resorts sa mga Gokongwei. Tingali unya og mangita sila’g laing lugar nga katukoran niining maong proyekto.
Ang Lapu-Lapu City o ang Cordova lipay kaayo nga modawat ning maong proyekto, with wide open arms pa. Labing siguro dili kini balibaran ni Mayor Paz Radaza o ni Secretary Adelino Sitoy.
Kon dili gayud madayon kining maong proyekto, dako kining kadaugan sa mga mibabag niini sa city council. Matud nila disadvantageous kuno kini sa side sa dakbayan. Mission accomplished kini alang kanila, tungod kay ang ilang role o tahas sa konseho, mao man ang pagbabag sa bisan unsang buhaton sa mayor, ilabina nga taliabot ang local elections.
Matud ni Mayor Osmeña: “A project of this magnitude means it will make business grow and it will grow through the years.” Apan, unsaon ta man?
Anugon, di ba?
* * *
Maghisgot kita’g electoral reforms … dugay na man kini nga issue. Matag-eleksiyon gumikan sa pagbutho sa mao lang gihapon nga mga problema sa piniliay, hisgutan dayon ang electoral reforms. Pakapinan pa sa modernization, sama sa modernization sa mga PUJs.
Ang nahitabo nibalik hinuon ta sa mano-mano, imbes mag-modernized. Gumikan sa mga problema nga misugmat na usab sa miaging barangay elections, si Mayor Sara Duterte-Carpio sa Davao City, miawhag sa Comelec “to push for modernization and reforms to address issues on the electoral process that were once again observed in the May 2018 election such as vote buying, flying voters, harassments, and other fraudulent schemes meant to subvert the will of the people.”
Matud niya, nahitabo kini gumikan sa antiquated natong sistema sa pagparehistro sa mga botante ug sa pagbotar na mismo. Midugang siya pag-ingon nga atong gamiton ug pahimuslan ang mga modernong teknolohiya aron ma-reflected ang tinuod gayud nga sentimento sa katawhan.
Hinoon, gumikan sa pagka-generally peaceful sa miaging eleksiyon, iyang gi-congratulate ug gipahalipayan ang tanan nga nakatampo sa pagkamalampuson sa miaging eleksiyon.