Good vibes

MAYO 13, 2018: Solemnidad sa pagsaka sa langit sa Ginoo

MGA PAGBASA: Buh.1:1-11/Sal.47/Ef.1:17-23/MK.16:15-20

Kini ang binag-ong termino (tingali) kun maghisgot kita sa sugo nga giluwatan ni Jesus sa dihang misaka siya sa langit. Maayong isangyaw gyud ang MAAYONG BALITA ngadto sa tanang mga tawo. Ning atong panahon karon, mas daling halinon ang mga dautang balita kaysa maayong balita. Daghan ang buot mosabwag sa bisan unsang makadaut kaysa bisan unsang makaayo. Ang pagsabwag sa maayong balita obligasyon natong tanan. Ug kini magsugod sa atong kaugalingon. Himoon nato ang atong kaugalingon nga mga Maayong Balita alang sa uban.