Traffic Summit

Nindot paminawon. Summit gud. Apan, tapus ma-identified kunohay ang problema sa trapiko (as if they didn’t know), igo lang silang nagkauyon nga kinahanglang magsabot sila pagsulbad sa suliran sa trapiko. Mao ra to? Tapus sa summit, unsa man? Atong gikinahanglan ang immediate ug short term nga solution. Otherwise, ma-wala’y pulos ang maong summit kon ang kasulbaran nga ilang nasabotan unya pa-mo-epekto sa 2022.

Of course, dili nato masulbad kining maong suliran overnight. Dili kini madali, ug ambot pila kaha ka summit ang gikinahanglan una kini masulbad.

Hinoon, maayo na lang nga at least gilingkoran kini sa mga hingtungdang buhatan, o ahensiya nga nagpakabana. Lahi ra ba ang pag-estorya-estorya kay sa pag-aksiyon unsa’y giestoryahan.

Busa, maoy atong paabuton ang aksiyon tapus niadtong summit. Unsa man gyud ang definite nga kasulbaran ang ilang nasabotan?

* * *

Niay medyo disturbing nga balita bahin niining paningkamot sa Duterte administration pagpung-ol sa kurapsyon nga mao ra og nakagamot na’g maayo sa atong kaugatan, nga lisud na’ng wagtangon.

Lagmit nakabasa na kamo niini, kining headline: “US: Corruption in Philippines remains among barriers to trade.” Nagpasabot nga ang pangurakot dinhi sa nasud nagpabilin nga maoy babag pagpalambo sa patigayon tali sa atong nasud ug sa America.

Giingon dinhi nga “corruption continues to be a major headache for the United States when it comes to doing trade with the Philippines,” kini sumala sa report sa Office of the US Trade Representative (USTR).

Kini, despite nga ubay-ubay na ang gipalagpot ni Presidente Digong Duterte gikan sa ilang katungdanan gumikan sa corruption. Ambot nasayod ba ang America, nga nagpadayon kining massive cleansing sa atong mga buhatan sa gobiyerno.

Gi-single out ra ba ang buhatan sa aduwana: “National and local government agencies, particularly Bureau of Customs, are beset with various corruption issues. Reports of corruption and irregularities in Customs processing persist, including undue and costly delays, irregularities in the valuation process, 100-percent inspection and testing of some products, and customs officials seeking the payment of unrecorded facilitation fees.”

Unya, lakip ang mga korte nakabaton usab og dili maayong impression sa mga langyaw’ng negosyante: “The USTR again highlighted the concern expressed by both foreign and domestic investors about the propensity of Philippine courts and regulators to stray beyond matters of legal interpretation into policymaking, as well as the lack of transparency in judicial and regulatory processes.”

Note nga wala malambigit ang Office of the President. Maayo na lang.