Hapit na ang 2021 diin atong saulogon ang 500th year sa pag-evangelize sa atong nasud. Mao nga naghimo na kita og mga panaw sa pagtuo aron pagpamalandong niini. Sa matag panaw nagsugod kini sa paagi nga hinay apan dunay tumong. Sa matag lakaw nato atong makita ang atong kaugalingon ingon man ang atong mga gipangdala nga mga kabalaka, kahadlok, paglaum ug uban pa. Mao nga diha sa atong kinabuhi, matag adlaw kahigayonan sa pagkat-on sa bili sa atong kasinatian. Sa hinay-hinay nga mga lakang sa pagtuo unta makita nato ang atong dapit diha sa kasingkasing sa Dios. Kini ang tumong ug tuyo sa panaw sa Camino nga atong makita ang Dios diha sa inadlaw-adlaw nga kasinatian uban sa atong mga igsuon ug mga kahigalaan ning tawhanong kalibutan.