Human niining tanan

Daghang plano ang nisantop sa akong hunahuna sa dihang batan-on pa ko. Karon nga edaran na ta, angkunon nato nga dili gyud diay mahimo ang tanan natong gusto tungod kay bisan unsaon anaa gyud ang limitasyon. Bisan pa niini, padayon nakong gihambin ang tinguha nga matag adlaw nga pakiglambigit mamahimong makahuloganon sa kanunay. Ning paagiha padayong kulbahinam ang panaw. Apan walay kahingpitan, ang tanan reyalidad lamang nga atong atubanganon. Atong hatagan og igong gibug-aton ang sa karon kay kini man ang mohulma sa atong ugma. Di man tuod nato seguro ang padulngan apan dunay kapaingnan gihapon ang gubot nga kalibutan. Human ning tanang panlimbasog dunay kahulogan nga nagpaabot... human niining tanan.