Palihi

Kini ang kasagaran natong madungog kun maghisgot na kita og bag-ong tuig. Apan ang kinabuhi di angayang subayon ginamit ang mga patuo-tuo. Angayan lamang nga subayon ang kinabuhi pinasikad sa rason ug pagtuo sa tinubdan sa tanang kalipay nga mao ang Dios. Dili man tuod hingpit ang kinabuhi, maingon nga dili man tuod hingpit ang matag usa apan malipayon gihapon natong subayon ug puy-an ang tanan. Ang pagkahimong positibo dako kaayo og kahimoan aron sa ingon mamahimong gaan ang atong palas-onon taliwala sa kabug-at niini ug makahuloganon gihapon ang tanan bisan pa man kun way lami ang pakigharong sa uban. Sa akong pagsugod sa laing tuig mas gipalabi kong tukion ang teyoriya sa sikolohiya sa pamasin nga mangita og tubag sa pangutana kun nganong las-ay man ang kinabuhi nga bisan gani ang pagmaymay dili mamahimong makahuloganon sa pagbating nawad-an og gana sa tanang mga butang.