Wa lang gyud klaroha

Kini tingali ang atong masulti sa tag-iya sa parasan nga nihimo ug pag-hire og mga motrabaho. Tinuod may katungod siya sa paggasto sa kuwarta pinasikad sa iyang gusto apan nagdumili siya pagsud-ong sa reyalidad nga dunay mga nitrabaho sayo pa sa buntag ug dunay nitrabaho uwahi na kaayo. Apan silang tanan nakadawat sa susamang suhol. Ang iyang katarungan mao nga silang tanan niuyon nga makadawat sa usa ka denaryo nga suhol. Iya pa ganing giakusar ang complainant sa kasina tungod lagi kay siya manggihatagon. Tingali ingon niini usab ang pagsabot sa kadaghanan kon maghisgot kita og kalooy. Ang angayan pa gani unta mao nga diha sa kaangayan ihatag kon unsay haom ug angay apan sa mata sa matag Kristohanon ang kaangayan kinahanglang pakapinan og kalooy. Mao ni ang hinungdan kon nganong daghang chances ang gihatag kanila nga nagpakasayop. Ug kay hinatagan man sa daghang kahigayonan, nahimong kabahin sa ilang Sistema ang pag-abuso kay lagi ginamit ang kamandoang Diosnon, sila nagpaabot nga dunay chances nga madawat bisan pa man kon wala sila mo exert og effort. Ang mahinungdanon mao nga kon may kahigayonan kuhaa kini ingon nga kahimanan sa pagbag-o. Ug kon ikaw ang mohatag sa kahigayonan himoa kining klaro aron dili mamahimong credible ang imong hukom.