Brgy Mactan, Lapu-Lapu City “Naunsa
“Naunsa na man intawon ang mga opisyal namo diri sa barangay nga wala may pakabana sa problema namo sa ilegal nga drugas.”
Brgy Bulasa, Argao, Cebu
“Kining Sitio Tikyo pwerteng daghana’g langaw ug baho pa g’yud nga iti sa manok tungod sa poultry farm nga naa diri sa among lugar. Manawagan kami sa tag-iya sa poultry farm nga mohimo sila’g paagi nga dili manimaho ug dili modaghan ang langaw.”
Brgy Aliwanay, Balamban, Cebu
“Kining eskina g’yud diri sa among barangay, gihimo na man hinoong parkinganan ug ayuhanan sa mga trisikad, pedicab ug multicab nga nakahasol na g’yud sa ubang motorista. Hapit gyud ko madisgrasya kay puwerte na kagamay sa agianan.”
Brgy Lamac, Dumanjug, Cebu
“Naunsa na man intawon kining karsada namo diri nga puwerte na man lang g’yud nga gubaa, wala man g’yuy opisyal nga nakahunahuna sa pagpaayo niini.”
Brgy Dunggoan, Danao City
“Nibalik na man sab intawon kahinay ang agas sa tubig diri sa among barangay, usahay dili pa g’yud moagas sa adlawan. Ambot kon nakahibawo na ba kaha ang mga opisyal namo diri kay wala man g’yuy gihimong aksyon sa problema.”
Brgy Bonbon, Aloguinsan, Cebu
“Naay gibuhat nga drainage diri duol sa eskwelahan, pero wala man taboni ug daghan na kaayo ang nangahulog apil na ang mga estudyante. Ang mga opisyal sa lungsod ug sa barangay nagpareho lang nga wa’y aksyon nga gihimo.”
Brgy Sawang-Calero, Cebu City
“Diri sa may Magsaysay naay mga batan-on nga mag-inom diri ug magbuntagay, apil na ang mga bayot. Halos dili kami makatulog kay magsyagit-syagit ning mga tawhana, maayo unta’g mabadlong na kini sila.”
Brgy Cayang, Bogo City
“Unsa may gibasehan nga nahimong drug free ang ubang barangay sa among siyudad nga daghan pa man intawon ang mga adik ug drug pusher diri, labi na sa among barangay. Angayang tutokan kini pag-ayo sa taga PDEA kay basin magmata lang sila’g buntag.”
Brgy Buanoy, Balamban, Cebu
“Daghan kaayong salamat Banat News sa pagtagad bahin sa problema sa mga 4P’s diri sa among lungsod kay naabot na sa taga lungsod ang among reklamo. Pero naa man gihapo’y mga lugar nga mao gihapon ang gihimo nga kaltasan nila ang madawat sa beneficiaries unya kinahanglan adto mopalit nila og bugas.”
Brgy Mabolo, Cebu City
“Salamat kaayo Mr. Barangay kay giaksyonan dayon sa taga barangay ang reklamo bahin sa mga libud-suroy nga mga menor de edad diri sa among lugar. Naa’y daghang batan-on ang gipangsignit sa mga tanod ug gidala sa barangay hall, salamat kaayo sa daling pagtagad.”
Alang sa inyong mga reklamo text lang sa 09083006702
- Latest
