Kini kasagaran ang isyu nga giatubang sa mga batan-on labina sa mga higayon sa ilang depresyon. Ang binuang nga nasinati gikan sa mga significant others, ang mga pagtamay ug pag under estimate sa ilang katakus, ang pagpasagad gikan sa mga ginikanan nga wala makahatag og igong panahon alang nila ug uban pang mga rason. Ang nawalang pagsalig sa kaugalingon mao ang mohimo sa matag tawo o batan-on nga mawad-an pud og gana sa pagkinabuhi. Tungod niini, mosantop sa hunahuna ang paghunos sa kaugalingong kinabuhi kay kini wala namay ayo ug way bili alang nila nga nagpuyo niini. Tinuod dili man hingpit ang matag tawo o matag batan-on apan sa dili pa nato ipabuhagay ang atong pagyam-id, mahinungdanon kaayo nga ato ning hunahunaon kun ang pagsaway makatabang ba sa tawo aron siya motubo o makatandog ba sa iyang kaugalingong ego nga nasakitan nang daan o nasamdan nang daan sa kapintas sa kinabuhing mayam-iron. Ang mahinungdanon karong mga panahona: “Positive Stroking!”