FB ug uban pa

Di na ko kaayo updated sa FB kay lagi signal ug internet imo pang ibiyahe. Apan nindot baya sab ang Facebook kay gawas nga maka-chat ka makahimo ka pa gyud og comments ug maka-post ka og mga inspirational messages kanila nga tingali nagkinahanglan niini. Sa laktod gamhanan ang Facebook, Instagram, Twitter ug uban pa mas dali ang paagi sa komunikasyon, mas paspas ang pag-connect kanila nga halayo kanato by distance. Apan dunay mga tawo nga dili maantigong mogamit ning maong kahimanan kay imbis nindot ug bulawanong mga mensahe ang ilang i-post mga away ug padungog-dungog man ang gipanghimo sa kaaway nilang pwede ra gud nilang sultihan in person. Sama pananglit ning mosunod: “ LAGOT KAAYO KO ANANG MGA TAWONG FEELING GWAPA BISAN NAWONG OG TAMBALOSLOS” # Feeling Annoyed.....Pissed off etcetera.....! Apan dunay uban nga ang ilang yanong kasinatian sa grasya ug panalangin ilang i-post sama pananglit duha ka linya nga puwa nga Pregnancy test dungan ang pagbutang og #Feeling Blessed! Expectant mother na! Bisan wa si papa! Ning Domingo sa Pagsaka sa langit sa atong Ginoo kita gipahimangnoan sa iyang makanunayong pag-uban ug pagkuyog sa panaw. Hinuon kuyog niini ang atong dakong tinguha sa paghimo mismo sa atong mga kaugalingong kinabuhi ingon nga maayong balita.