Ang panit sa lemon (2)

Atong ipadayon paghisgot ang kaayohan nga atong kapahimuslan gikan sa lemon.

(2) Magtsa og panit sa lemon (lemon peel tea) – imbes ilabay ang panit sa lemon, magamit pa kini nga himoong tsa (tea). Nagbaton gihapon ni og vitamin-C ug mga ‘antoxidant’, nga makatabang paghilis sa kinaon, pamenos sa timbang, balansehon ang kainiton sa lawas, pagpalig-on sa sistema sa imyun, pahimsog sa atay ug uban pa.

Sayon ra magtsa og panit sa lemon – (a) kuhai sa lanot nga puti nga namilit sa ilawom nga bahin sa panit, aron dili mopait imnon ang tsa. (b) Nigpison paghiwa nga ang 1 ka kutsara niini ibutang sa nagbukal nga tubig ug takobi, dayon paayupi sulod sa 10 minutos (c) Salaa ug butangi og ‘honey’ unya kutawa,  imnon nga init-init pa.

(3) Pang-abog sa hulmigas – kapoy ang magsige’g pamapha ug hasol ang pagpamadlong nga dali ra kaayo hulmigason ang mga hinipos nga pagkaon. Karon, ang panit sa lemon makatabang sa kusina ug sa uban nga parte sa balay. Pamutangan og panit sa lemon aron moislag ang hulmigas kay dili kalahutay sa kahumot sa panit. Ang inalisbo sa asido nga nagtakoban sa kahumot sa panit sa lemon, iritasyon kini sa hulmigas nga dili sila makaatraka sa panghulmigas. (a) Hiwaa sa ginagmay ang panit, ug (b) ipamutang sa pasamano sa bintana,  ug sa dapit nga posible agian sa hulmigas, unya (c) Ilisan kini dangtan og pipila ka adlaw.

(4) Himoon nga panglimpyo (cleanser) – ang panit sa lemon nga acidic kay makapawala kini sa grasa o lanahon nga nikampat sa mga butang. Makapalimpyo sab sa samin, bildo ug mga muebles sa banyo. (a) Butangi’g tinadtad sa panit ang katunga sa bildo nga sudlanan (b) Butanga’g suka hangtod mapuno (c) Painiti sa may bentana sulod sa 2-3 ka semana, uyogon panagsa (d) Salaa nga ang likido nga sagolan og tubig nga sama og gidaghanon, dayon isulod sa ‘sprayer bottle’.