* Cruciferous nga utanon — Sama sa broccoli ug brussels, mga udlot niini makatabang sa pagpasaka sa gidaghanon sa ‘glucosinolate’ (organic compound) sa lawas nga makatabang sa pagprodyus og daghang ‘enzymes’ nga gamiton sa pagpahilis sa kinaon.
* Lemon — Nasayod na kita, nga ang ‘citrus’ nga prutas sama sa lemon, dasok kini sa vitamin-C. Apan ang lemon, makatabang sa paglimpyo sa atay, gumikan sa mga toksik nga materyales, ug moayuda sab sa paghilis sa kinaon.
* Dulaw (turmeric) — Sagad kini gigamit nga panglamas, ug naila nga makatabang sab ni nga hilison ang tambok ug sa pag-umento o pagpadaghan sa prodaksyon sa apdo (bile). Maisip sab ni nga natural nga pangdetoks para sa atay.
* Walnuts — Nagbaton ni og taas nga matang sa ‘gluthatione’ ug ‘omega-3 fatty acids’, nga mosuporta sa atay nga malimpyohan gikan sa kadaot.
* Oatmeals —Makapamenus kini sa mga tambok sa atay, ug makakunhod sab ni sa gibug-aton o timbang sa lawas.
* Coffee (kape) — 2-3 ka tasa kada adlaw nga pag-inom niini, makaprotehir sab kini sa atay gumikan sa alcohol ug sa dili masustansyado nga pagkaon, ug makapamenus sa risgo sa kanser sa atay.
* Pudyot sa asin — Kay gikinahanglan sab kini sa lawas apan dili lang magpalabi nga igo lang motayam sa kaparat. Ang asin magamit ni nga patuhopon ang tubig sa lawas. Trabaho sa asin ang ‘fats’ himoong asukar. Apan kun magpalabi sa asin, mosamot nga maputos sa tambok ang atay.
* Moinom og daghang tubig — Imbes mga sodas o softdrinks ang imnon, mas maayo nga tubig ang imnon kay mopamenos kini sa kaloriya. Makakunhod sab kini sa kahangol nga bisan og unsa na lang ang isulod sa ginhawaan.