Pwede nga ikiha og libel ang magpasagad og post sa FB
Duna ko’y pangutana labot sa ex-girlfriend sa akong boyfriend nga foreigner. Nagsige man gud siya og post sa iyang Facebook og mga negative comments and messages batok nako. Ako na kini siya nga gibadlong ug ako siyang giingnan nga kun dili siya mohunong, ako gyud siya nga ikiha.
Misiaw gyud hinuon siya ug iyang gi-post sa iyang wall sa FB nga “bayarang babae” kuno ko ug lain-lain kuno nga foreigner ang nakatilaw nako. Nauwaw na ko sa iyang gibuhat ug nahadlok ko nga dunay maestra nako nga makabasa sa iyang gi-post ug basin maapektohan ang akong pagka scholar.
Unsay angay nako nga buhaton? Mahimo ba nako siya nga ikiha, ug unsa man nga kaso? Daghang salamat. — Ms. M.
Dear Ms. M,
Yes, pwede nimo siya nga ikiha og Libel, base sa Cybercrime Prevention Act of 2012. Ang gibuhat sa ex-GF sa imong boyfriend usa ka kalapasan sa maong balaod. Ang una nimong buhaton mao ang pag-print sa screen shot sa iyang mga negative comments nga gi-post sa iyang Facebook, then imo siya nga pasakaan og reklamo sa barangay diin siya nagpuyo aron siya ipatawag ug aron sab kamo magkaatubang.
Kun dili gyud mo mahusay sa barangay, mangayo ka og Certification to file action sa barangay, then imo siyang pasakaan og kasong Libel aron sab siya mahatagan og leksyon. Thanks and God bless! - Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug aking tubagon ang inyong pangutana pinaagi sa akong column matag Miyerkules, Sabado ug Domingo.
- Latest
