Ang atong atay daghan og mahinungdanong gamit aron pagmintin sa kahimsog sa panglawas. Mopagawas kini sa mga makadaot nga materyales gikan sa agianan sa dugo, ug motabang sa pagtunaw sa kinaon, matud ni Holistic nutritionist Hermit Suri, gikan sa Mississauga, Ontario.
Hunahunaon nato nga ang atay, usa ka personal nga sistema sa pagsala (filtering), motuhop sa mga makadaot ug iprodyus ang makaayo sa lawas. Ang atay, may gibug-aton lang nga 3 ka libras, gumahon ug pulahon nga tsokolate ang kolor. Nahimutang kini sa tuo nga bahin sa atong tiyan. Ang atay nga aktibo pa, nagtrabaho ni sa lawas isip ‘fat burning organ’. Kini sab ang magprodyus og nutrens, gikan sa atong gipangaon, aron himoon nga esensyal nga sangkap sa dugo. Mopundo usab sa mga bitamina ug minerales, ug moprodyus pa og protina ug ‘enzymes’ nga mamentin ang balanse nga ‘hormones’ sa lawas.
Ang atay motabang sab sa sistema sa imyun, nga moaway batok sa impeksyons, nga igawas ang bakterya nga himoong apdo (bile), nga esensyal sa paghilis sa kinaon. Kun magkaluya o masakit ang atay, makatakod kini kun ang lawas naimpekted sa ‘virus’ o sa makadaot nga kemikals, segun sa Mayo Clinic.
Ang atay, kun dili lang magpakabana sa kahimsog niini, kalagmitan makapataas sa risgo nga mahimo’ng obis o subra katambok ang lawas, sakit sa kasingkasing, pirme magluya o kapuyon, labad ang ulo, dili kahilisan sa kinaon, pangatol o magka allergy, ug uban pa nga mga komplikasyon niini.
Kinahanglang magmabinantayon gayud nga dili magpasagad nga bisa’g unsa nalang ang kan-on. Magtuon ug magpakisusi sa angay’ng kaonon, aron nga maseguro ang kahimsog sa atong atay.