Deed of sale nga wa manotaryohi

Dear Atty. Divine,

May napalit nga yuta ug may gipirmahan nga Deed of Absolute Sale ang nagbaligya ngari nako last year. Apan wa nako mapanotaryohi sa abogado kay wa pa ko’y budget para pag-process sa transfer that time. Karong bag-o, miadto ko og abogado kay ako na unta nga panotaryohan aron ma-process na nako ang pag-transfer, dili man monotaryo ang abogado kun dili moadto sa iyang opisina ang nagbaligya? Wa na ra ba ko’y contact sa seller. Unsa’y angay nako nga buhaton? Dili diay makanotaryo ang abogado bisan pa kun adunay ID ang nagpirma? Daghang salamat.— Ferdy

Dear Ferdy,

Base sa Notarial  Rules, ang notary public dili mahimo nga monotaryo sa usa ka dokumento kun wa ang presensya sa nagpirma niini og kinahanglan sab nga mopakita og competent ID or government-issued ID ang mipirma sa dokumento. Kini gitumong aron pagseguro nga ang tawo nga nagpirma sa dokumento boluntaryo gyud nga mipirma niini. Ang maayo nimo nga buhaton mao ang pagpangita sa seller ug kinahanglan gyud nimo siya nga dad-on sa abogado alang sa pagpanotaryo sa Deed of Absolute Sale kay kun dili nimo mapanotaryohan ang imong dokumento dili sab kini dawaton sa BIR alang sa imong pagbayad sa Capital Gains Tax ug Documentary Stamp Tax ug sa pag-process sa transfer. Busa mas maayo nga ato gyud nga sundon ang atong lagda aron dili maapektohan ang validity sa  dokumento. Thanks and God Bless!- Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.