Si Dorothy Collins atol sa iyang ika-100 nga pagsaulog sa adlaw nga natawhan, nihatag og mga tambag aron sa pagpataas sa kinabuhi.
Matud niya:
1.) Kun makabalik siya sa edad nga 20, iyang likayan ang mga lalaki, tambagan ang mga babaye nga maayong mag-inusara, magpalayo sa lalaki kay makaugtas lang ni ug makayabag nga mabun-og sa panginahanglan sa lalaki.
2.) Ang importante sa pagpadaghan og anak, dili paspas.
3.) Aron malampuson ang kaminyuon, ayaw na samoka ang kaugalingon kay mabungkag ang panagtiayon. Mga batan-on dili makontento kun wa’y lain.
4.) Ayaw pagmahay kay naagian ko ni sa mga anak ko, apan karon mas nahibalo ako kun ngano.
5.) Ang sekreto nga motaas sa kinabuhi? Mao ang pag-amping sa Dios, nga hugot ang pagtuo ug pagsalig kaniya.
Si Ralph Burgess Tarrant, 110 ang edad ug British insurance man, niretiro kaniadtong 1968. Ang sekreto niya nga dili na maglibog-libog pa, lingawon kanunay ang kaugalingon, aktibo sa kalihokan ug sa katilingban manginlabot.
Si Reg Dean, 110 ang edad, Briton lifelong minister, niingon nga may nihatag niya og lapokon nga sustansiya (muddy elixir) dihang batan-on pa siya, aron kuno makaabot sa edad 100 ug karon naka 110 na.
Si Jiroemon Kimura, 116, ug kanhi Japanese post-office worker, niretiro pagka 65, nag-uma hangtod 90 ang edad.
Matud niya, ang nakatampo niya’g taas nga kinabuhi mao ang wala’y druga, kalma sa seks, patuyang sa bisyo, ug ginagmay nga pagkaon.
Kay kuno ang paspas nga kinabuhi, mamatay sa kabatan-on kaysa kalma lang ang estilo nga makaabot pa sa taas-taas nga baskog ang kinabuhi.