Nahukmang sad-an, unsay buhaton aron dili mapriso?

Dear Atty. Divine,

Ang akong asawa nahukman sa korte nga sad -an sa kasong Grave Oral Defamation ug ang silot niini mao ang pagkabilanggo sulod sa kapin usa ka tuig. Aduna mi 2 years old nga anak ug nabalaka kaayo ang akong asawa nga mapriso siya. Unsa man ang angay namo nga buhaton aron dili siya mapriso? Hinaot nga imo mi nga magiyahan kun unsay among himoon. Daghang salamat. — Dante

Dear Dante,

Sa dili pa mahimong final and executory ang pagkakonbikto sa imong asawa, mahimo siyang mo-apply og Probation base sa Presidential Decree 968. Kini puwedeng buhaton sa imong asawa pinaagi sa pag-apply niini sa korte nga maoy nagkupot sa iyang kaso.

Kun maaprobahan sa korte ang iyang application for Probation, then dili na kinahanglan nga mapriso pa ang imong asawa basta iya lang tumanon ang mga kondisyon sa korte lakip na ang pag-report kanunay ngadto sa Probation Officer.

Kinahanglan sab nga dili na moapila ang imong asawa sa decision sa korte aron siya maka-avail sa Probation. Thanks and God Bless. -Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

ARANGKADA