Pamalandong sa Atheist

Usa sa akong mga estudyante nako sa REED 40 niangkon nga siya Atheist. Ako siyang gipangutana: “Nganong naingon ka man ana?” Nitubag siya: “It is something personal Sir!” ug kay something personal man mao nga wa na lang ko mo-dig out pa. Hisabtan ra. Wala’y objective ug scientific atheism. Ang tanan segun ra gyud sa kasinatian nga dunay kalambigitan sa relihiyon ug sa pagtuo.

Tungod sa kalibutang di hingpit ka daghanan sa mga tawo labina sa mga batan-on ang maglisud pagtugkad sa kahulogan sa hingpit nga langit kun ang kalibutan ingon man mga tawo ang nagnudnod kanila sa sulad sa pagkawalay kapaingnan. Bisan man gani ang ilang kaugalingong pagpangindahay sa kalinaw mahikaw man tungod sa mga panghitabo nga dili hipugngan. Apan sa akong pagbasa sa iyang reflection paper akong nakita nga ang iyang pamalandong mas Kristohanon pa kaayo sa akong kinabuhi..... Tungod kay bisan pa man kun iyang gi-negate ang Ginoo sa iyang kinabuhi nahimong mas makidiyosnon ang iyang panlantaw ug binuhatan.