Diha nga ulitawo pa ko, mahadlokon ko’g doktor, mao nga giagwanta ko lang sa dugay nga panahon ang pagtukar sa sakit sa akong ulo. Nagtuo ko nga bunga lang kadto sa grabeng presyur sa trabaho maadlaw ug hangtod sa gabii nga padayon sa akong pagtuon sa kolehiyo.
Napugos ko pagkuyog nga mobisita’g doktor, kay tulo ka adlaw nagtiyabaw ko nga wala lung-i sa grabeng kasakit sa ulo. Didto nahibaloan ko nga grabe na ug napuno na sa kagaw nga ginganlan og ‘brain mastoid,’ kuyaw masawo sa kanser.
Gitagalan ko’s doktor og 10 ka tuig, busa magpaopera dayon ko iyawat magmilagro nga malugwayan pa ang kinabuhi, apan wala mopasalig ang doktor.
Kay wala ko magpaopera, diha’y gipapirmahan nga nagtugot niya sa paggamit sa katapusang remedyo nga tambal nga dili para sa tawo. Human niadto, nagpapahid ko’g lana (anointed oil) nga gibasbasan og pag-ampo sa usa ka alagad sa simbahan.
Gidawat ko na lang ang akong kahimtang. Namatay na ang doktor ko sa ika-8 ka tuig ug wa ko kamatngon nga nigradwar ko sa UV kaniadtong 1972 ug nilapas na’g duha ka tuig ang gitagal kanako apan panagsa mosakit gihapon.
Nasundan kadto’g duha ka grabeng pagkasakit apan dili na sa ulo. Hangtod karon gikaluy-an pa sa Ginoo nga nabuhi tungod sa pagtoo nga diay kini makapaalibyo.
Dili tanan nga mananambal, bisan pa’g gitugaha’g gahum spirituwal sa pag-ayo, bentaha gyud ang kalig-on sa pagtoo.
Mahimo mo moduol kang Padre Silva nga nadungog sab nga dagha’g giayo. Si Tete sa bukiran sa Mabini, ambot buhi pa ba sila nga pulos gidungog nga tambalan. Diha sab kadto’y sa Guadalupe ug sa Barangay Apas.