Mingaw ang bukid ug halayo gikan sa panggawas nga kagahob. Ug gani ang bukid giisip man nga sagrado kay ang bukid giisip man nga dapit sa mga Diosdios sa karaang Griyego. Si Zeus nagpuyo sa bukid sa Olympus. Ang ikaupat nga misteryo sa kahayag nagsaysay nga ang panagway ni Jesus nausab. Gitawag kini og transfiguration. Dunay pipila lang ka mga saksi. Sa maong higayon usab nitungha ang duha ka mga mahinungdanong tawo diha sa Balaang Kasulatan si Moises ug si Elias ug ang ilang gipanaghisgotan kalabot sa umaabot nga pag-antos ning maong mesiyas. Nga sa ato pa, ang maong mesiyas gitagna sa mga propeta as represented by Elias ug siya maoy katumanan sa tanang balaod as represented by Moises. Ug sa laing bahin ang maong kasinatian, patilaw sa umaabot nga kahimayaang Diosnon. Apan ang maong kahimayaan masabtan man lamang pinaagi sa pag-antos. Wala’y Easter Sunday kun wala ang Passsion Sunday. Sa atong kinabuhi mas mahimong matam-is ang kasinatian sa kadaugan kun anaa ang paningkamot ug pakigbisog dinuyogan sa sakripisyo. Nahimong kulbahinam ang tanan. Hinuon atong tinguha ug pag-ampo nga mausab dili lang ang atong nawong kondili ang atong dagway gyud unta. Hinaut pa unta.