Ang ilang kamanggihatagon

Consultation kini ang giingon sa pari nga akong giduaw labina sa ilang team ministry. Ako kining nakita sa dihang nangutana sila: “Nagkinahanglan ka og Mompo?” Ako silang giingnan nagkinahanglan ko og semento. Tuod man nagkunsoltahay sila. Nakapalit gyud ko og kinse ka sakong semento atong Sabadoha. Kini ang mahinungdanon diha sa pangalagad, ang pagpaambit sa ginagmay nga hatag ug panalangin uban sa hiniusang pagsabot-sabot. Ako silang gidayeg tungod kay alang nako nahimo silang timaan sa kahulogan sa panaghiusa diha sa kahagip-ot sa kinabuhi ug dili sama sa uban nga moingon nga kita maghiusa apan wala gyud sila’y konkretong lakang nga gihimo.