Nagkasultihanay mi sa makadiyot ug iyang gianinaw pag-ayo ang akong gipanulti. Nagpasalamat ko niya sa higayon maingon nga siya nagpasalamat usab sa higayon. Ug sa kalit iya kong gigakos dungan ang pag-ingon. "Salamat gyud kaayo!" Ang gakos bililhon gyud kaayo labina sa mga higayon nga ang tawo nahimong detached na kaayo sa iyang emosyon. Ang tanan alang nato nahimo naman daw sama sa ordinaryong transaksiyon labina kun maghisgot kita og patigayon. Nawala ang personal touch, nawala ang elemento sa pagkamabination. Ang pagkahimong maayo usa ka pagpili maingon nga ang paghigugma usa usab ka pagpili. Way destino ang tanan bunga lang sa pagpili. Mao nga ning Pasko di lang kita mamahimong nakasentro lang sa mga hudyaka ug katawa inubanan sa mga bahakhak sa pagpakaaron-ingnon. Ang tanan kinahanglang himoon dili aron ikaw daygon but at least aron ikaw magmalipayon dili alang lang sa uban kondili alang usab nimo.