Makapalagsik ilimnong alkoholik

Nia pa ang mga dugang kaayohan ang mahatag sa igong gikinahanglan nga pag-inom og alkoholik  aron mamintin ang kahimsog sa panglawas.

* Mahilis ang kidney stones — 41% momenus ang risgo sa moinom og  beer ug 33% sa moinom og bino o  wine. Gitumbok ang hinungdan nga tungod kay duna ni  caffeine, sama sa kape ug tsa (tea). Apan sa subra ka hinginom niini sa sigi’g pangihi kuyaw sab nga kahubsan sa tubig ang lawas, nga magpundo ang mga bason nga linugdang, madugayan mahimong bato sa  kidney.

* Makapawagtang sa stress — pawala sa kalaay, palig-on sa mabinationg relasyon sa panagdait sa isigkatawo o kahigalaan. Dili lang magpalabi’g inom.

* Makapalahutay sa seks — pampagana sa arangkada mosaka ang kuryente sa libido nga mosamot kaagresibo sa pagseks. Dali ra sab maluya, mohangak na sa kakutas, dili pa gani kadul-it mokyugpos na. Nga wala’y nahimo kay nahilo sa alcohol nga nasubraan sa inom.

* Mopabaskog sa utok—makasanta sa  alzheimer ug dementia kay usa ni sa  mind diet nga makaayo o makapalig-on sa panghunahuna ug mosanta sa atake ug  stroke. Basta di lang molapas sa sukdanan kay makayabag sab kini.

* Mga oportunidad maablihan —sa panagtapok o kaalegre sa sosyal nga panag-inom makahibalag kita og daghang kahigayonan nga kapuslan sa atong pagpalambo sa katumanan sa mga pangandoy ning kinabuhia.

* Mokontrol sa  bloodsugar — 30% momenus ang risgo sa type 2 diabetes sa igo nga pag-inom og  wine. Sumala sa  research nga gilangkuban sa 369,862 ka tawo, didto sa Amsterdam’s VU University Medical Center.