“Abi nako og sa Mandaue ra ang naay ilegal swertres, daghan man sab diay diri sa lugar sa akong kumpare. Daghan kaayo akong nabantayan diri nga nagpapatad og ilegal swertres, wala man pangdakpa.”
Brgy Malubog, Cebu City
“Makalibog kaayo diri sa among barangay kay duha na man ang opisina nga kuhaan namo og dukomento. Daghan ang nangutana kun kinsa ang duolon namo. Buhi pa man unta ang kapitan pero may gusto na man nga mopuli pagka-kapitan.”
Brgy Manipis, Talisay City
"Naunsa na man ning karsada diri nga wala man gyud trabahoa, maglisod na man intawon pag-agi ang mga sakyanan. Wala man magpakabana niini ang taga DPWH-7.”
Brgy Dapitan, Cordova, Cebu
“May reklamo lang ko bahin sa karsada diri sa among lugar kay kun mag-uwan dali na man kaayong mabahaan unya dugay pa gyud mohubas. Wala man gyud ni aksyoni sa mga opisyal sa barangay.”
Brgy Estaca, Compostela, Cebu
“Diri sa Purok Ipil grabe kaayo ang sugal nga tong-its, halos kada gabii. Naa pa gyuy mga batan-on nga magyupyop og marijuana unya ang among kapitan way gihimo pagsulbad niini.”
Brgy Tabunok, Talisay City
“Manawagan mi sa kagamhanan sa siyudad nga tagdon ang problema sa trisikad kay dili na man palahuson sa may stop light, luoy kaayo ang mga estudyante kay adto na mag-atang sa Gaisano kay wala na may trisikad nga kasakyan.”
Brgy Tejero, Cebu City
“Diri sa among lugar, kapin na sa usa ka buwan nga wala kuhaa ang mga basura. May konsehal man unta nga magsige og agi diri pero wala man gyud niya tagda ang problema.”
Brgy Buyongan, Alegria, Cebu
“Daghan kaayo nga nasagmuyo diri sa among lugar kay wa’y maayong serbisyo sa kuryente. Kuwang sila sa pagmintenar para unta mamenosan ang mga mahitabo nga brownout nga dugay na nga giantos sa mga tawo diri.”
Brgy Basak, Lapu-Lapu City
“Concern lang mi sa mga basura nga nagkatag lang sa karsada tungod kay wa namay klarong kolekta. Maayo unta og maatiman dayon kining problemaha kay baho kaayo ang mga napundo nga basura.”
Brgy Agsuwaw, Catmon, Cebu
“Wa’y hunong ang pagpanguha’g bas ug graba diri sa sapa nga gigamitan pa gyud og backhoe. Nananghid kuno sila sa mayor. Maayo unta og aksyonan dayon kini sa mga opisyal. ”
Alang sa inyong mga reklamo text lang sa 09326425494