Kun kita moadto sa doctor aron magpa-check-up, inighuman hatagan ta’g resita sa tambal. Motalikod nga wa’y pupangutana, dayo’g adto sa botika aron paliton ang tambal.
Sa resita nakasulat ang branded nga tambal nga may katumbas nga ‘generics’ nga klase niini. Sagad sa mga doctor dili lang magtagad sa pagpasabot niini, kun unsa ba gayud kining ‘generics’ nga tambal.
(1) Adunay kamandoan ang Food and Drugs Administration sa mga buhatan sa tambal, nga ang mga produkto nila sa ‘generics medicine’, gikinahanglang nagbaton og susama nga kalidad nga epektibo usab sa pagtambal.
Ang tanang tambal nga ‘generics’ nga giaprobahan sa FDA, nag-agi kini og makuting pagsuta sa kalidad, una kini giproseso nga himuong tambal.
Bisan pa man sa dinaghan nga paghimo sa ‘branded’ o ‘generics’ nga tambal, dili kalikayan nga makabaton og ginagmay’ng diperensya, apan ok ra sa FDA ang ‘ allowable difference’ nga 3.5%’ absorption average.
Gipangayoan gihapon og pareho nga aktibong mga ingrediyentes, ang ‘generics’ sama sa kalidad sa ‘branded’. Wala na kinahanglana nga idugang pa ang mga ‘inactive ingredients’ sama sa ‘branded’.
Naghimo’g clinical test ang buhatan sa ‘generics’, sama pananglitan, human paimnon ang pasyente, sukdon niini ang lebel sa ‘bloodstream’, nga motakdo pareho sa tambal nga ‘branded’.
Sa pagrebyu sa FDA, giseguro nila nga managsama ra kaepektibo ang tambal nga ‘generics’ ug ‘branded. Kada ‘batch’ sa produksyon, pareho nga kuhaan ni’g ‘sample’ sa produkto aron kahimoa’g pagsulay, kun namintin ang kalidad.