Ang sakit sa pagbati maoy makapahimo sa tawo nga maglikay na lang nga malambigit. Ang gugma nahimong hunahuna ug dili na lang pagbati ingon nga resulta sa giisip nga protocol sa kinabuhi nga kinahanglang ikaw mahigugma. Mahigugma ka dili tungod kay tagamtamon mo kini. Nahigugma ka tungod kay maoy mando sa hustong rason ug lohika. Mahigugma ka tungod kay buot mong pamatud-an nga ikaw tawo ug dili mananap. Apan sa laing bahin, ang indifference wa magpasabot nga ikaw manhid. Buot mo lang hatagan og panahon ang imong kaugalingon aron ka makasabot sa giingon nilang gugma bisan kun tingali wala nimo ni kinahanglana nga ilang ihatag nimo kay nahuptan mo na kini bisan wala sila sa imong kinabuhi. Nipahiyom ko niya. Dili tungod kay nakagusto ko niya. Nipahiyom ko niya tungod kay kini ang mando aron mamahimong smooth sailing ang transaksiyon ninyo nianang taknaa.