Ang kalipay niya nga namati

Usa ko ka higala ang ni pm nako kalabot sa iyang paboritong kanta. Paborito niya ang starting over again. Butang nga nakapahilak niya matag karon ug unya kun kini iyang madungog. Daghan nato ang maka-relate sa mga kanta nga nahimong kabahin sa atong kinabuhi ug sa atong kasaysayan. Mahimong ang uban nila sakit palandongon samtang ang uban nindot paminawon. Apan bisan pa niini sila maghatag kanato og kalipay ingon man kahulogan. Kay ang awit nato dako og kahimoan aron atong mapadayag ang atong tinud-anay nga gibati ug panlantaw pinaagi sa alawiton nga atong itagik.