Ang akong mga estudyante naniga ang mga mata sa dihang ako silang giingnan nga ang mga remaining days sa among klase igahin sa reporting. Dunay niangal apan dunay nahimuot. Apan sa dihang nihimo sila sa ilang reporting, daghan ang nipakita sa ilang creativity tungod kay ako man silang gihatagan sa kahigayonan nga mahimo nila kini. Nahimong mas exciting ang klase ug ingon man napagawas sa mga bata ang ilang mga hunahuna ingon man mga abilidad diha sa paghimo sa bisan unsang gisangon kanila. Ang kinabuhi usahay puno sa tanghaga usahay dili dayon makita ang bili sa mga buluhaton nga kanato gisangon. Daghan kaayo ta og angal tungod kay lagi lisud apan diha sa pag-abandonar kanato atong nakita ang atong kaugalingon nga molatid og laing hugna sa mga butang maayo nga makapabulahan dili lang sa atong pagkatawo kun dili sa katilingban usab. Atong igambalay unta ang positibong panghunahuna ingon man ang matag kalisdanan dili silot kun dili kahigayonan.