Brgy Cogon, Cordova, Cebu
“Salamat kaayo kay naa na gyu’y gitumba nga drug pusher sa among lugar, nahinayhinayan na sila’g puhag. Pero naa pa gihapoy namaligya’g shabu diri duol sa menteryo ug naa sad dapit duol sa balay sa konsehal namo sa lungsod."
Brgy Nueva-Caceres, Oslob, Cebu
“Ang among mga street lights diri kay wala na man maniga, ngitngit na man kaayo ang among lugar apan wala man gyud ni atimana sa mga opisyal sa barangay.”
Brgy Agujo, Daan Bantayan, Cebu
“Ang tagdumala sa usa ka beach resort diri sa among barangay wala mohatag og tukmang sweldo sa ilang mga tawo kay ang cleaner ug gardener tag P133 ra man ang adlaw.”
Brgy Pusok, Lapu-Lapu City
“Daghan kaayo ang nalambigit sa ilegal nga drugas diri sa Sitio Matumbo. Ang uban wala man mosurender sa mga polis ug nagsige gihapon sa ilang bisyo.”
Brgy Pakigne, Minglanilla, Cebu
“Bisan sa hugot nga kampanya batok sa ilegal drugs apan naa man gihapo’y namaligya’g shabu diri, labi na sa Sitio Tingkuro.”
Brgy Banilad, Cebu City
“Naa lang ko’y reklamo bahin niining usa ka polis nga nadestino diri sa Gaisano Country Mall dapit kay estrikto kaayo manakop og mga habalhabal driver. Mangulata ra ba dayon.”
Brgy Tungasan, Lapu-Lapu City
“Duna gihapo’y tigsuplayan og shabu diri sa among barangay ug ubang dapit sa Olango Island, dinagko pa gyud. Kining tawhana ilado ni diri sa among lugar nga maoy tigpalusot sa ilegal drugs pero wala may aksyon ang mga polis hasta among mayor ug kapitan.”
Brgy Okoy, Sta Fe, Cebu
“Naa man gihapo’y mga tawo nga namaligya’g shabu diri bisan kun gipang-Tukhang na ang uban diri. Maayo unta’g mapuhag ning mga tawhana kay mao ni sila ang nagdala’g dangan sa mga batan-on.”
Brgy Santiago, San Francisco, Cebu
“Lisud gyud mahunong ang pagpamaligya’g shabu sa among lugar kay naa man guy opisyal sa lungsod ug polis nga nagpaluyo sa dakong mamaligyaay og shabu diri. Maayo unta’g maabot na diri ang vigilante para tipion na lang ning mga tawhana.”
Brgy Bacayan, Cebu City
“Reklamo lang unta mi diri sa Lower Bacayan kay gipadak-an ang karsada pero gihimo na man hinuon nga parkinganan sa mga sakyanan. Nalipay na unta mi nga dako’g karsada apan problema kay daghan na nga sakyanan nga i-parking.”
Brgy Maribago, Lapu-Lapu City
“Hangyoon namo ang mga opisyal sa barangay nga mabadlong ning mga batang libudsuroy nga magsige’g samok-samok sa among mga guest, labi na sa mga Koreans.”
Alang sa mga reklamo text lang sa 09326425494