Nasayud na kita nga ang labing epektibong pagamay sa lawas nga wala nay kinahanglan ang ehersisyo mao ang pagkontrol sa pagkaon. Gikinahanglan ang husto o angay nga ibalanse ang mga nutrens sa lawas. Ang pagpatuyang sa parat, mantikaon ug asukar mao kini ang makapaburot o motambok ang lawas.
Angay kitang makat-on sa mga pagkaon nga maghatag og balanse nga lawas ug himsog nga panglawas. Pipila sa mga pagkaon base sa rekomendasyon sa doktor ug sa mga eksperto mao ning pipila sa pagkaong angay iprayoridad.
* Oats — Naay daghang baligya nakadisple sa mga groserya pilion kanang organic nga kinahanglan lutuon dili instant kay napugoso kini's kainit sa pugon nga kalagmitan nangawala ang mga nutrens. Plain oats ang gamiton dili flavored oats. Glutein free kini dasok sa soluble fiber nga mopahimsog sa digestive system', mopa-normal sa bloodsugar ug sa kolesterol lebel. Mamintin sab ang normal nga pagpagawas sa mga toksik o hugaw.
* Almonds — Mas maayo ang sinangag niini (roasted almonds) kay sa mga de-pakete nga almond chips. Ubos ra kini'g kaloriya nga nagbaton og mga fats mono/polyunsaturated fats, sama sa olive oil'. Segun sa American Journal of Clinical Nutrition, ang regular nga pagkonsumo niini (almond/olive oil) makasanta o makapugong sa kahangol (crave) sa pagkaon. Makapahimsog usab kini sa kasingkasing. Duna sab ni taas nga magnesium aron nga mahimong undanon nga masol (muscle tissues) ang tambok nga hilison.
Naa pay daghang klase niini padayon lang ta sa pagsusi sa ubang mga pagkaon aron pagseguro nga maangkon ang normal nga gidak-on sa lawas.