Mas maayo nga moundang na lang?

Daghan kanato ang nahimong madismaya tungod sa mga kapakyasan nga imong nasinati  makahunahuna nga moundang na lang. Apan ang pangutana mao: "Tubag ba gyud kini? O paagi lamang kini sa pag-eskapo sa suliran nga bug-at kaayo pas-anon labina kun way mutabang kanato. Usahay mawala ang atong pailob labina kun wa nato makit-i ang rason kun nganong kinahanglan ta nga mag-antos. Ang kinabuhi sa usa ka optimist padayon nga maghatag og kaikag sa pagtan-aw sa matag kalisud ingon nga kahigayonan sa paglambo. Apan ang kinabuhi ingon nga pagpili ang wa mag-agad lamang sa uban.

Mag-agad usab kini sa imong kaugalingong tinguha nga mamahimong gawasnon bisan pa man kun ikaw nahimong binilanggo sa imong kaugalingong mga kabalaka.

Mga benepisyo sa masaheng hilot

Nasayud na kita kun unsa kabililhon niini sa atong panglawas ang masaheng hilot. Duna kini dagha’ng benepisyo nga nagdulot og katibuk-ang pag-ayo sa mga gipamati’ng kaluyahon o kahasol sa lawas. Kini’ng mga benepisyo nga nakatumong sa 2 ka bahin, nga mao ang (1) ‘Physiology’- ang gamit o trabaho niini sa lawas ug ang (2) ‘Psychology’- ang emosyon o panghunahuna, nga may kalabutan sa sistima sa kalihokan sa pangutok.

Ang epekto  niini sa ‘physiologic’ nga benepisyo, makatabang sa mga mosunod;  makaayo sa sirkulasyon;  makadugang sa kainit sa panit,  mopakupos sa hubag o hupong, mopaluag sa panghugot nga pamation, makatabang sa pagtunaw sa kinaon (digestions), makatabang sa pagdetoks, mopa-normal sa hayblad, makatabang sa maayo’ng pamarug, mopahayahay sa pagginhawa, ug  mopagawas sa toksik nga hangin, gikan sa nagbutod nga agianan sa tinai.

Ang epekto sab niini sa ‘psychologic’ nga benepisyo, mao ni’ng mga mosunod: Mora’g maadik nga magpangita niini, makapahuway o makaparelaks, makapahinanok o maayo’ng pagtulog,  makaayo sa insomnia,  makapahapsay sa panghunahuna, kun hinayon pagpresyur  makapalagsik sa sentro sa ‘nervous system’, kun pakusgan ang presyur makapawagtang sa depresyon o kaguol o makapatin-aw sa kalibog,  makapahupay sa panakit sa kalawasan, ug  makapatagbaw sa tawhano’ng pagtandog sa galamhan.

Labaw sa tanan, mas maangkon ang tana’ng mga benepisyo niini, kun tinguhaon ang pagkat-on sa masaheng hilot. Makatabang kini sa pamilya nga kanunay mamonitor ang kahimsog sa panglawas pinaagi niini. Kun ma-eksperto ka  na, basi’g swertihon ka sab nga mamaayo ang dagan sa imo’ng kinabuhi.