Ang pundok sa mga ekonomista, ang Foundation for Economic Freedom (FEF) misugyot nga banhawon sa umaabot nga Duterte administration ang mga laraw pagpahigayon sa National ID system – pag-require sa tanang molupyo sa tibuok nasud paghupot og uniform nga government-issued nga identification card.
Dunay misupak sa maong ideya, kay tingali unya kuno og abusahan sa gobiyerno, pagpanghasi ug pagpanggukod sa mga yanong lungsuranon, ug gikahadlokan nga makayatak sa tawhanong katungod ug privacy sa tawo.
Sa mga proponent sa ID system, ang maong mga kabalaka, speculation lang ug walay lig-on nga sukaranan. Dako kaayo ang mga advantages sa ID system alang sa katawhan.
Una, makahatag kini’g dakong kasayon sa mga yanong lungsoranon, pag-transact og business with any government institution, ingon man, with private institutions, sama sa mga bangko. Ikaduha, makatabang usab kini sa gobiyerno pag-ila sa mga beneficiaries sa welfare grogram niini.
Ikatulo, kalikayan kining giingon nga pangilad sa internet, on line o off line, kay masuta na man ang identification sa mga mogamit niini, ug,
Ikaupat, dili na maka-fake ang mga criminal sa ilang mga identity. So, timbang-timbangon, mas daghan ang mga advantages sa ID system kay sa mga kabalaka nga makayatak kini sa privacy sa katawhan.
Tan-aw nako, wala may dautang epekto ang ID system nganhi kanatong mga lungsuranon. Ang mahitabo, mao nga ang gobiyerno maghipos sa mga personal nga kasayoran sa matag lungsuranon, himoon ang national data collection.
Ang gikinahanglan mao kining mosunod: 1) Name; 2) Home address; 3) Sex; 4) Picture; 5) Signature; 6) Date of birth; 7) Place of birth; 8) Marital status; 9) Name of parents; 10) Height; 11) Weight; 12) Two index fingers & two thumbmarks; 13) Any prominent distinguishing features , like moles; 13) tax identification number (TIN).
Sa maong mga information gikan kanimo, makayatak ba kini sa imong privacy ug sa imong tawhanong mga katungod? Giingon nga kun wala kay gitagoan bahin sa imong pagkatawo, unsa may imong kahadlokan kun isyohan ka og ID? Daghan kanato naghupot na og mga IDs sama sa driver’s license, postal ID, passport, Comelec, Pag-ibig, SSS, GSIS, ug daghan pa.
Kini, nakahatag kanato og dakong convenience sa atong mga transaction with the government ug sa mga private institutions sama sa mga bangko.
Gipaabot nga malakip kini sa mga tinguha sa umaabot nga Duterte administration, kay alang kanako, makahatag kini’g kaayohan sa matag lungsuranon. Imagine, ma-identified na unya ang tanan mong silingan? Di ka ba gusto niini?