Si Duterte

Kuyaw gyud og karisma kining si Rodrigo Duterte. Namat-an nako og buot sa didto pa ko sa Davao siya na gyud si Digong. Ang iyang kagahi ug ka astig tingali maoy nakahimo sa kadaghanan nga madani. Bisan pa man kun sa iyang mga gipamulong nga nakaigking kanila nga nagsubay sa sumbanan sa moralidad ang tingali nahimong dili sa tanang higayon uyon sa iyang gipanulti. Apan siya na gyud ang presidente. Ug kun unsay dangatan sa iyang pagdumala kanato nan, mag-agad pud na sa atong mahimo ingon nga mga lungsoranon. Kay ang kausaban dili man gyud makab-ot sa paagi nga dinalian ug paspas. Usa kini ka proseso nga gipasikad sa usa ka damgo. Usa kini ka panaw nga pilion gyud sa matag lungsoranon.  Dunay mga gipang post sa Facebook: “Change is coming” uban ang paghimo sa mga caricatures o dagway niadtong mga dagkong politiko nga posibleng mahiagom sa bilanggoan gumikan sa sala nga ilang nahimo.” Tan-awon ta lang kun mahitabo gyud kini. Ang mahinungdanon mao nga angay natong maamgohan nga si bisan kinsa pa ang molingkod sa pangagamhanan kun kita na mga hingtungdan ang dili mohatag sa atong kaugalingong tampo sa kausaban pinasikad sa paagi nga Diosnon nan, mamahimong kawang ang tanan. Violence begets violence maingon nga ang passivity begets indifference. I am a Filipino and Change begins in Me.”