Dalan sa krus

Salamat ni Tatay Sindulfo Iriarte/ Monsenyor Sin Iriarte nga nipagamit nako sa mga giya sa iyang Via Crucis nga siya mismo ang naghimo sa dihang didto pa ako sa Yati nadestino kaniadto. Kabahin niini ang Ora Santa ingon man ang Dalan sa Krus. Ug tukma usab kaayo kay kwaresma naman mao nga amo nang gihimo ang Dalan sa Krus dinhi sa among Quasi-Parish. Sa akong pagpamalandong, matag usa nato dunay dalan sa krus nga gisubay ang uban medyo sayon samtang ang uban murag lisud gyud kaayo kay kini bug-at ug daw usahay makapawala nato sa paglaum. Sa atong panaw padung sa kalbaryo ato untang mahulma ang paglaum inay ang kawalay kapaingnan. Tinuod, ang Dios dili makahatag sa tubag sa atong mga pangutana ora mismo apan usa ka butang ang seguro nga sa matag pas-an nato sa krus uban ang Dios nato sa pagpas-an niini.