Matag tuig ang Department of Agriculture magpasidungog sa mga mag-uuma nga maka-excel pagpalambo sa pananom. Ginganlan og National Gawad Saka Awards, ang nakadawat ning maong award sa miaging tuig mao si Ricardo Tolentino sa Ilocos Norte, giisip nga Mango King sa lalawigan.
Duna bay Cebu Mango King? Si Tolentino giisip nga Mango King gumikan sa liboan niya nga mga punoan sa mangga nga gitanom sulod sa dakong plantation, subay sa good agricultural practices. Duna ba kita’y lapad nga plantation sa kamanggahan dinhi sa atong lalawigan?
Ikaduha na kining pasidungog nga nadawat ni Tolentino. Sa tuig 2008, iyang nadawat ang Outstanding High-Value Cash Crop Farmer award. Kun maghisgot kita’g pananom, dili gayud makaangkon ang atong lalawigan ning maong matang sa mga pasidungog, kay lagi, dili man agricultural ang atong lalawigan.
Apan, dili kini nato himoon nga hinungdan nga dili kita makapalambo sa atong pagpananom, ilabi na sa pagpalambo sa pagpananom sa mangga.
Matud ni Tolentino:
“This award (Agri-Entrepreneur of the Year) is one of the hardest categories of the Gawad Saka Awards and your accomplishments should definitely stand out because your excellent contenders come from vegetables, rice, corn production as well as those in fisheries and livestock.”
So, lisud ang pagkab-ot ning maong award. Matud ni Ilocos Norte Governor Imee Marcos, hingpit ang support sa provincial government pagpalambo sa mango industry sa lalawigan. Ang lalawigan, kauban sa Department of Agriculture migahin og P4.7 million pag-rehabilitate sa daan nga mga punoan sa mangga.
So, full support ang gihatag sa lalawigan sa Ilocos Norte ngadto sa mga nananom og mangga. Dinhi sa ato, unsa man?
* * *
Niay maayong balita. Giingon nga “Philippine economy is still ‘bright star’ in Asia,” kini, sumala sa British banking giant Hongkong and Shanghai Banking Corporation (HSBC). The economic growth of the Philippines would continue to be supported by increased government spending in the coming quarters.”
Mao kini ang atong giingon nga gumikan sa mga paningkamot sa atong kagamhanan, pagsanta sa corruption, misaka ang confidence sa international community nganhi sa atong nasud.
Malamboon ang ilang panglantaw sa atong ekonomiya ug nagpadayon pagbaha ang ilang mga hinabang ekonomikanhon nganhi sa atong nasud, pinaagi sa mga pahulam ug mga grants.
Usa kini sa himoon natong sumbanan sa ato unyang pagpili sa mopuli ni Presidente Aquino … nga unta magpadayon kining confidence sa international community nganhi sa atong nasud. Kinsa man sa mga pilionon pagka-presidente ang makapadayon niini? Your choice.