Kun si Presidente Aquino ang pasultion, ma-bankrupt kuno ang SSS kun iyang ihatag ang P2,000 nga usbaw sa matag SSS pensioner.
Apan ang Kongreso dili motuo nga mabangkaruta ang SSS. Matud ni Rep. Neri Colmenares, usa sa mga authors sa balaudnon nga naghatag og P2,000 nga across the board increase sa mga SSS pensioners, imposible kaayo nga kahutdan og kwarta ang SSS.
Matud ni Colmenares nga wala mahitabo sa tibuok kalibutan nga adunay nabangkaruta nga social security system. Ngano man?
Dinhi sa atong nasud, ang SSS Charter of 1997, nagkanayon “the Government of the Republic of the Philippines accepts the responsibility for the solvency of the SSS.”
So, katungdanan, kaakuhan ug obligasyon sa gobiyerno nga dili mahutdan og kwarta ang SSS. Sa ato pa, dili pasagdan sa gobiyerno ang SSS nga magsangkiig. Kinahanglan nga mangita kini og mga paagi nga magpabiling solvent ang SSS.
Kun sa hunahuna ug imagination sa Presidente nga mahutdan og kuwarta ang SSS, kun iyang kaluy-an ang mga pensioner, iyang obligasyon ang pagpangita’g paagi nga mapadayon ang kahimsog sa SSS aron makapadayon usab kini pag-alagad, dili lamang sa mga opisyales niini, kun dili, labaw sa tanan, sa iyang mga sakop.
Dugang pa ni Colmenares, laing source of funds mao ang P325 bilyones nga collectible. Sa ato pa, dili kinahanglan nga usbawan ang contributions, kun dili, usbawan ang collection efficiency niini. Laing source of funds: Cut back unnecessary, exorbitant & anomalous operating expenses.
Sa ato pa, kunhoran ang makalilisang nga gasto, mga perks and privileges sa kadagkoan niini, pinaagi sa pag-moderate sa ilang greed. Of course, dili ni sayon, Kay kun ako pa ang anaa sa ilang pwesto karon, magpatuyang sab tingali ko sa akong greed.
Unya, midugang ang SSS Charter: “The government shall appropriate the necessary funds to augment SSS funds and benefits.” Ila ba ning gihimo?
Lagmit wala kabasa si Noynoy sa IRR sa RA 9994 nga nag-ingon nga kinahanglan i-review matag tuig ang mga pension sa GSIS ug SSS, “to ensure their continuing responsiveness and sustainability, and to the extent practicable and feasible, shall be upgraded to be at par with the current scale enjoyed by those in actual service.” Ila ba kining gituman?
Gitaho nga mga problema sa SSS: Bad investments, Behest loans, Mismanagement. Question: Nganong kita man nga mga pensioner ang paabagahon ug pasakripisyuhon sa ilang incompetence ug kahugawan?
So, dili tinuod nga mabangkaruta ang SSS, kun kaluy-an kita ni Noynoy.