Ang kaikag sa mga katekista sa pagtambong sa IEC makita sa ilang mga bayhon. Bisan sa mga kakulian padayon gayud sa tumong sa pagsalmot sa maong kalihokan. Ang Eukaristiya maoy huptanan sa mga katekista sa padayon nga pagsanong sa tahas nga gisanong kanila kay sa kanunay nagpahinumdom kini sa kaluwasan ug mga kasakitan ni Hesus aron mahatag gayud ang gisaad nga kahimayaan sa Ginoo. Dili lamang ang katekista ang nangandoy nga mosalmot niini kung dili ang kinatibuk-an nga Kristohanong Katilingban aron matugkad sa matag usa kung unsa diay kabililhon ang Eukaristiya sa atong kinabuhi. Sa maong kasayoran mapangandaman nato ang ato unya nga pakig-atubang sa kinabuhi diha sa kamatayon.