Kini ang giyawit sa akong estudyante sa dihang gipangutana ko siya kun nganong Psychology ang iyang gikuha. Ang iyang rason mao nga duol-duol lang sa iyang kurso nga gikuha kaniadto. Sa laktod dili pa kaayo siya decided sa iyang kasamtangang kahimtang. Ako siyang giingnan nga mas maayo nga mo-settle siya sa bisan unsa nga makahatag kaniya og kalipay ug tinud-anay nga katagbawan sa kinabuhi. Ang matag desisyon nga atong pagahimoon ang mosalamin man sa matang sa pagkatawo nga atong nahuptan. Tinuod daghan kaayo ang kapilian sa kalibutan apan sa tanto natong pili-pili daw nahimo naman hinuon kitang saag sa dalan nga mismo kita ang naglibog kun nganong ato pa kining gisubay.