Ang ulahing nahisgutan sa niaging lindog nato mao ang mahitungod sa ‘black strap molasses’, nga usa sa remedyo sa barikos. May sangkap kini’ng makadugang sa pula’ng dugo o ‘hemoglobin’, nga mao’y maghatud og ‘oxygen’ gikan sa baga ngadto sa tana’ng mga selyula.
Ang ‘iron’ sa black strap molasses gikinahanglan sa atong enerhiya ug metabolismo. Nagbaton sab ni’g uba’ng mga mineralis sama sa ‘calcium’ ug ‘potassium’. Busa ang 1ka tasa sa tubig, butangan og 1ka kutsara sa ‘BSMolasses’, kutawa unya imna ni 30mins, sa dili pa matulog. Buhata kini kada adlaw, nga tultolon ang oras sa pag-inom.
* Epson Salt – ang pagkaligo nga may sagol nga Epson salt, sa dili pa matulog sa gabii, makapahinanok kini. Ang ‘magnesium sulfate’ nga sangkap ini, makatabang sa paghupay sa panakit ug makapakalma sa kaugatan. (1) Ikutaw ang 1ka tasa’ng ‘Epson salt” sa ininit nga tubig. (2) Dayon ibabad ang tibuok lawas sa igo’ng maagwantang kainit, sud sa 30mins. (3)Buhata ni kada adlaw.
* ‘Tonic Water’ – mga ‘carbonated water’ nga may ‘quinine’, usa ka ‘compound’ nga mopakalma sa ‘nervous system’ ug mopaalibyo sa barikos. Pero duna ni sayd-epek kun pasubraan sa 20mg. ang 8oz nga ‘tonic water’. Busa inom lang og ¼ sa tasa ini, kada gabii sa di pa matulog. Hinay-hinaya lang sa pag-inom aron gayud makatuhop kini’g maayo sa kaugatan.
* Cayenne Pepper – gikonsiderar kini’ng milagroso nga pang-alibyo sa barikos. Tungod kay kini nagbaton og dasok nga sangkap sa vitamin-C, ug ‘bioflavonoids’ nga mopaluag sa mga agianan sa dugo ug makapawala sa panakit sa kalawasan labi na sa barikoson. (1) Butangi’g 1ka kutsarita sa ‘cayenne pepper powder’ ang 1ka tasa’ng init tubig. (2) Kutawa og imna kini 3ka beses sa adlaw sud 1-2ka bulan , nga maseguro ang pag-alibyo sa barikos.