Kasumpay kini sa miagi'ng gihisgutan nato ang mga kahasol or puwerhisyo, kun may pinahitan kita sa lamok. Ato sad gitudlo ang mga remedyo ini aron malikayan ang impeksyons. Ania ang uban pa'ng mga remedyo;
* Sibuyas Bombay (pula) — Direkta ibutang ang preskong hiniwa sa sibuyas Bombay, sa pinahitan pasagdi hangtud mawa ang katol. Dayon, ayaw kalimot nga banlawan o hugasan ni'g limpyong tubig.
* 'Honey' — Mas maayo gamiton ang puro o 'raw honey' nga wala iproseso, kanang gikan pa's dugasanan sa mga potyukan. Kay potensyal o dasok ni's pangontra sa mga mikrobyo, nga dili maimpeksyons ang pinahitan.
* 'Lime o Lemon' — Butangan sa duga sa lemon ang pinahitan sa lamok, aron pagsanta nga di maimpeksyon sa kinawtan sa hugaw nga kuko sa mga tudlo.
* Mga 'essential oils' — Sama sa 'neemtree oil', sa 'tea tree oil', sa'cedar oil', o sa 'rosmary oil', ipatulo ni's gamay tubig unya ipahid sa apektadong panit.
* Ang Asin — Butangi'g diotay tubig ang asin nga sagolon nga molapot. Ipahid dayon sa apektado'ng pinahitan sa lamok.
* Ahos — Inusnos ang preskong ahos sa pinahitan. Mura'g mohapdos ang pamati mo sa panit apan inanay kanang mawa ang pangatol. Ayaw ni gamita sa mga bata o masuso pa. Ang mga punoan sa 'neemtre' ug ang tanaman sa ahos, usa ni sa epektibo'ng mga pangabog sa mga lamok.
Unya kun may namatikdan mong panakit sa tiyan, nga way paghuwas ang hilanat, paimna dayon sa 'mangagao juice' o preskong 'fruit juice'. Apan mas maayo gyud maglaga mo'g gamot ug punoan sa tanom nga 'mangagao', dayon ipainom sa biktima sa pinahitan sa lamok, basi'g may 'dengue fever. Daghana sa pagpainom, aron dali mahuwasan sa kainit, nga mosaka pagbalik ang 'platelets'.