Dili lalim nga ang pangutok sa tawo, mainutil sa paghatag og direksyon o kamandoa’ng ihatag ngadto sa katibuk-ang kalihokan sa lawas. Kun ang utok may kadaut, maapektahan nga mapalyar sab ang mga trabaho sa tana’ng mga sistima. Kun luya ang utok, nagpasabot kana nga hinay ang dagan sa pangutok.
Maglisud na sa paghunahuna, sa pagsabot, sa pagkat-on ug sa pagmemorya nga wa na’y katakos makapanaog sa husto’ng disisyon nga himuon. Ang hinungdan ini, tungod ni sa kakulang sa nutrisyon nga mohimsog ang utok. Og aron sab ang pangutok mohait ang salabutan, ang lamas kabahin ni’s nutrisyon.
* Turmeric ( luy-a’ng yellow orange o dulaw) – may sangkap nga ‘curcumin compound’ ug anti-oxidant nga makatabang sa pagsanta sa ‘alzheimers’. Ang kanunay pagkonsumo ini, makapugong sab ni’ng maporma ang gahi’ng tisyo’ng mamilit sa utok sa mga pasyente sa ‘alzheimers.
* Oregano (kalabo) – idugang ni sa mga potahe o sa mga pagkaon, silbing pagana o lamas. Daku ang papel ini sa pakig-away nga purilon ang mga ‘free radicals’ nga maoy nakapadaut sa panglawas. Duga’ng kaayohan ini mao ang pagpataas sa ‘mental health’, pakalma sa ‘stress ug pagpukos sa konsentrasyon.
* Cinnamon – ang lain pa’ng potensyal nga lamas, nga daku’g maitabang sa utok sa tawo nga natural palig-onon ang gahum ini sa pangutok. May talagsao’ng aroma nga mopagana sa utok, kun kanunay moinom og ‘turmeric tea’. Ang pinulbos ini pUwede isagol sa mga pagkaon ug sa gatas, tsoko, uban pa.
*Black pepper – nagbaton ni’g ‘piperine’, nga makatabang sa pagpadaghan sa prodaksyon sa ‘beta endorpins’, nga nagpakita og katakos sa maayo’ng trabaho sa pangutok sa paghunahuna, pagsabot, pagkat-on ug pagmemorya.
Mga lamas lamang kini, apan dako’g mahatag nga benepisyo sa atong utok.