Dear Atty. Divine,
Naminyo ko og foreigner niadtong 2005. After 2 years sa among panagtipon mibalik siya sa US ug wala na mobalik. Matud pa sa akong amiga nga nakakuha kuno ang akong bana og Divorce Decree sa America ug naminyo na usab kini pag-usab didto, pero Pinay gihapon. Gusto ko nga maka move on ug magminyo pag-usab. Unsa may angayan nako nga buhaton? - Jenny
* * *
Dear Jenny,
Kun gusto ka nga magminyo pag-usab, kinahanglan nga imong ipa-recognize ang Divorce Decree nga nakuha sa imong ex-husband sa US pinaagi sa pagfile og Petition for Recognition of Foreign Judgment sa korte sa Pilipinas, ug sa imong Petition kinahanglan nga imong ilakip sa pag-file ang certified true copy sa Divorce Decree nga authenticated sa Philippine embassy in US ug ang kopya sa ilang balaod nga nagtugot sa Divorce nga authenticated usab sa Philippine Embassy, once ma-recognized na ang Divorce Decree ug ma-annotate kini sa inyong Marriage Certificate sa NSO, mahimo ka na unya nga magminyo pag-usab. Thanks and God bless.- Atty Divine
* * *
Alang sa inyong pangutana may kalabutan sa problemang Legal, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado ug Domingo.